Formës së Brojës i bën jehonë edhe Federata Shqiptare e Futbollit, e cila i dedikoi një shkrim në faqen e saj pas golit kundër Totenhemit.
“Armando Broja është pa dyshim lojtari kuqezi i momentit. Sulmuesi shqiptar ka lënë pas dëmtimin dhe ka arritur të gjejë edhe golin e 6-të në kampionat.
Djaloshi kuqezi është aktivizuar që nga minuta e parë në transfertën ndaj skuadrës së Totenhemit, teksa gjeti golin e barazimit të përkohshëm në minutën e 23-të. Sipas uebsajtit të specializuar për statistika, Broja është vlerësuar me notën 6.9, ku vihet re saktësia në pasime me 63.6%”, shkruante “fshf.org”. Por poshtë postimit në “Facebook”, nuk munguan kritikat e tifozëve për mosaktivizimin e 20-vjeçarit si titullar me kuqezinjtë.
Shfaq Komentet (0)
